Learning and Development Officer (Human Resources)

Social Care Wales; Cardiff; Hybrid; GBP 35,000 - 38,000

Job description

Swyddog Dysgu a Datblygu (Adnoddau Dynol)
Caerdydd neu Gyffordd Llandudno (gyda gwaith hybrid)

Amdanom Ni
Mae Gofal Cymdeithasol Cymru yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru. Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.

I gyflawni hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, a data ac ymchwil i wella gofal. Trwy ein gwaith sicrhau ansawdd, rydym yn cefnogi addysgwyr gwaith cymdeithasol mewn lleoliadau addysg ac ymarfer, gan sicrhau'r lefel uchaf o hyfforddiant ar gyfer y genhedlaeth nesaf o weithwyr cymdeithasol.

Rydym nawr yn chwilio am Swyddog Dysgu a Datblygu i ymuno â ni ar gyfer cytundeb cyfnod mamolaeth 12 mis. Mae gweithio amser llawn 36 awr yr wythnos ar gael, fodd bynnag, rydym yn agored i hyblygrwydd.

Mae'n rhaid i chi fod wedi eich lleoli yn y DU i wneud cais am y rôl hon ac yn gallu ymweld ag un o'r swyddfeydd datganedig yn ôl yr angen.

Y Manteision

1. Cyflog o £35,785 - £37,836 y flwyddyn
2. 28 diwrnod o wyliau ynghyd â gwyliau banc (cynyddu gyda hyd gwasanaeth)
3. Diwrnodau ychwanegol i ffwrdd rhwng y Nadolig a'r Flwyddyn Newydd
4. Cynllun pensiwn llywodraeth leol
5. Polisi gwaith hyblyg
6. Polisi absenoldeb teuluol

Y Rôl
Fel Swyddog Dysgu a Datblygu, byddwch yn arwain y gwaith o gydlynu a chyflwyno gweithgareddau dysgu a datblygu staff ar draws y sefydliad.

Gan gefnogi twf a gallu gweithwyr, byddwch yn gweithredu rhaglenni hyfforddi effeithiol ac yn sicrhau cydymffurfiaeth ag amcanion dysgu.

Gan weithio'n agos gyda'r tîm arwain a rheolwyr, byddwch yn gweinyddu, gwerthuso ac adrodd ar gyfleoedd dysgu yn unol â'n Strategaeth Dysgu a Datblygu a chynlluniau hyfforddi blynyddol.

Yn ogystal, byddwch yn:

1. Rheoli'r Hyb Dysgu a Datblygu ar SharePoint
2. Trefnu a gweinyddu rhaglenni a digwyddiadau wyneb yn wyneb ac e-ddysgu
3. Arwain yr adolygiad o bolisïau cyfredol a dulliau darparu hyfforddiant
4. Cefnogi cynllunio ar gyfer System Rheoli Dysgu yn y dyfodol

Amdanoch Chi
I gael eich ystyried yn Swyddog Dysgu a Datblygu, bydd angen y canlynol arnoch:

1. Profiad mewn rôl dysgu a datblygu neu adnoddau dynol
2. Profiad o weithio mewn partneriaeth â chydweithwyr ar bob lefel i gefnogi dysgu a datblygu
3. Gwybodaeth am gynhyrchion Microsoft gan gynnwys Excel, Word ac Outlook
4. Gwybodaeth gyfredol o ddulliau dysgu a datblygu effeithiol
5. Sgiliau cyfathrebu cryf gyda'r gallu i addasu arddull cyfathrebu i gwrdd ag anghenion y gynulleidfa
6. Sgiliau Cymraeg

Gall sefydliadau eraill alw'r rôl hon yn Swyddog Gweithredol Dysgu a Datblygu, Cydgysylltydd Dysgu a Datblygu, Swyddog Dysgu a Datblygu, neu Swyddog Dysgu, Hyfforddi a Datblygu.

Gellir gwneud addasiadau yn ystod unrhyw ran o'r broses recriwtio ar gyfer ymgeiswyr ag anabledd, nam neu gyflwr iechyd, sy'n niwro-wahanol neu sy'n defnyddio Iaith Arwyddion Prydain. Cysylltwch â’r tim Adnoddau Dynol i drafod addasiadau ar gyfer unrhyw ran o'r broses.

Felly, os hoffech ymuno â ni fel Swyddog Dysgu a Datblygu, gwnewch gais drwy’r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.