Chief Officer, Children's Services / Chief Social Work Officer (0266), Stornoway

Comhairle nan Eilean Siar; City of Edinburgh; On-site; GBP 77,000 - 81,000

Job description

Prìomh Oifigear, Sheirbheisean Cloinne / Prìomh Oifigear Obair Shòisealta (0266), Steòrnabhagh
35 uairean gach seachdain, obair mhaireannach
£77,296 gu £80,756 gach bliadhna, a’ gabhail a-steach £2,859 de Chuibhreann Eileanan Iomallach gach bliadhna per annum

Bidh an neach a gheibh an dreuchd an urra ri lìbhrigeadh Sheirbheisean Cloinne agus GD gu lèir, planadh ionmhasail agus gnothaich san t-seirbheis. Bidh an neach a gheibh an dreuchd mar Phrìomh Oifigear Obair Shòisealta airson an Ùghdarrais agus nì e an obair reachdail a dh’fheumar fo Achd Obair Shòisealta (Alba) 1968, agus mar sin, bidh e san dreuchd mar Neach-dèanamh Cho-dhùnaidhean na Buidhne às leth an Ùghdarrais mar a dh’fheumar.

Bidh dleastanasan corporra agus ro-innleachdail a’ gabhail a-steach a bhith a’ stiùireadh luchd-obrach san t-seirbheis, a’ leasachadh planadh feachd-obrach, a’ cumail càileachd aig ìre àrd ann am fastadh, trèanadh agus stiùireadh dèanadais agus dèanamh cinnteach gu bheil leasachadh proifiseanta leantainneach ann agus gun tèid lìbhrigeadh an t-seirbheis a leasachadh.

Bidh dleastanasan an t-seirbheis a’ gabhail a-steach stiùireadh Sheirbheisean Cloinne, agus a bhith cumail ri poileasaidhean nàiseanta agus ionadail gu lèir; a’ dèanamh cinnteach gum bi taic agus goireasan aig an ìre as àirde ann dha Sgoiltean agus Ceannard Foghlaim a rèir phoileasaidhean agus dòighean-obrach na Comhairle; agus a’ dèanamh cinnteach gun tèid cumail ri reachdas, stiùireadh agus iomairtean an riaghaltais a thaobh cùram-chloinne.

Feumaidh an dà chuid eòlas farsaing obrachail agus stiùireadh ro-innleachdail aig àrd ìre ann an obair shòisealta agus seirbheisean cùram sòisealta a bhith aig an neach a gheibh an obair. Tha e deatamach gu bheil eòlas aig an neach air reachdas gu lèir a thaobh a bhith a’ stiùireadh sheirbheisean cloinne agus tuigse aige mu shiostaman stiùiridh ionhmais agus dòighean-obrach a thaobh stiùireadh luchd-obrach.

Feumaidh teisteanas aig ìre ceuma ann an Obair Shòisealta a bhith aig an neach a gheibh an dreuchd, agus eòlas ann a bhith a’ stiùireadh agus a’ brosnachadh sreath de sheirbheisean ann an sgiobaidhean ioma-dhiosaplaineach, gus leasachaidhean cudromach, seasmhach agus toraidhean soirbheachail tro chom-pàirteachasan taobh a-staigh na buidhne agus bhon taobh a-muigh a choileanadh.

Thèid an neach a shoirbhicheas fhastadh air a’ chiad phuing de na rangan. Tha an tuarastal a’ gabhail a-steach Cuibhreann Eileanan Iomallach.

Tha pasgan ath-ghluasaid ri fhaighinn airson na dreuchd seo.

Bidh an obair a-rèir mar a bhios feum airson àite luchd-obrach àbhaisteach a ghabhail. Tha pàigheadh san uair a’ gabhail a-steach Cuibhreann Eileana Iomallach.

Thèid agallaibhean a chumail air beulaibh dhaoine, a’ toirt cothroim do thagraichean coinneachadh ris an sgioba agus beachd fhaighinn air an àrainneachd obrach.